علاقة القهوة و الشاي بالروماتيزم

_القهوة مضرة ولا نافعة؟ _القهوة مضرة إذا زادت عن حد معين ونافعة اذا قلت عن هذا الحد، المؤسسة الأمريكية للأغذية حددته ب ٤٠٠ ملي جرام في اليوم باختصار فنجانين قهوة او ٣ اكواب شاي _في ابحاث بتقول ان مرضى الروماتيد الإيجابي التحليل بالذات بيبقا عندهم زيادة في الآلام اذا استخدموا القهوة زيادة عن ٣٠٠ ملي جرام، إنما في ابحاث تانية بتقول العكس ان المرضى اللي بيستخدموا الميثتروكسات استخدام القهوم ب فنجانين في اليوم ممكن يقلل الأعراض الجانبية الخاصة بالميثتروكسات ويساعد في تقليل الآلام وضياع الالتهاب. _طب اعمل ايه؟ اسمع لجسمك لو بتاخد القهوة وترتاح بفنجانين في اليوم يبقا تشرب قهوة، لو بتاخد القهوة وتتعب يبقا القهوة مش مناسبة ليك، في مرضى بالذات يا خدوا بالهم او يمنعوها اللي عندهم ارتفاع شديد في ضغط الدم، اللي عندهم مشاكل في الغدة الدرقية لان الكافيين في الحالة دي ممكن يبقا مضر ليهم. _بالنسبة للشاي:الشاي في كافيين اقل وفيه مواد مهمة ممكن تبقا مفيدة لمرضى الروماتيزم،لكن مشكلة الشاي هي في السكر او المرضى اللي بيشرب ا كميات كبيرة في اليوم. طب هو الكافيين فعلا بيسهر؟ اه لو اخذناه بعد الساعة السابعة مساءاً. طب في فوائد تانية للقهوة لمرضى الروماتيد غير انها بتقلل الالتهاب؟ -طبعاً هو مضاد للاكسدة كويس وبالتالي بيقلل فرص حدوث الجلطات سواء في القلب او المخ وكمان بيقلل الأورام السرطانية وبالتالي اللي بيقروا يشربوا قهوة ميستغنوش عن فنجان واحد في اليوم او اتنين بالكتير. -المشكلة ان في مشروبات تانية كتير فيها كافيين والناس مش عارفها زي مثلآ مشروبات الطاقة ودي فيها كافيين ممكن يوصل إلى ٢٠٠ملي جرام في الزجاجة الواحدة او مثلآ في المشروبات الغازية كلها فيها ارتفاع في الكافيين ممكن يوصل إلى ٣٠ ملي جرام في الزجاجة الواحدة وبالتالي اللي بيشربوا ليل نهار مشروبات غازية ممكن يحصلوا على كمية كافيين اكتر بكتير اصلا من اللي بيشربوا شاي أو قهوة. _باختصار اسمع لجسمك الشاي والقهوة مفيدين لو أخذنا فنجانين في اليوم نزود عليهم كوباية شاي أخضر وبالتالي ناخد الفوائد ونبتعد عن المضار