أعراض نقص فيتامين د في الاطفال

أعراض نقص فيتامين د في الاطفال: ١-آلام النمو: كتير أوي من الأطفال بيشتكوا من ألم في فترة الليل ويصحوا الصبح يبقوا كويسين نعمل تحليل فيتامين د نلاقيه ٧ او ٨ وانتوا عارفين ان المستوى المظبوط لازم يبقى ٣٠ ٢- ممكن تلاقوا الطفل في المشي بيجر رجليه او بيخبط برجله جامد وهو ماشي وده نتيجة ضعف العضلات الرباعية. ٣-ان ممكن تكون مشكلة الطفل في انه يقوم من الأرض او عند طلوع السلم نتيجة ضعف عضلات الجذع مع العضلات الرباعية. ٤-ممكن يحصل ألم شديد في عضلات الفخد ولما نعمل إشاعة نلاقي هشاشة موضعية في مفصل الفخد. ٥-ممكن الطفل تكون مناعته مش كويسة وبالتالي هيحصل له التهابات ميكروبية متعددة. _مصادر فيتامين د الطبيعية: ١-المصدر الأساسي هو الشمس وبالتالي التعرض لأشعة الشمس في الفترة من ١٠صباحا الي ٢ الظهر ولو لمدة ١٠ دقائق لكل الأطفال من سن ٦ شهور الي سن ١٦ سنة ٢-فيتامين د موجود في البيض والاسماك بشوكها زي سمك المكرونة والانشوجة. ٣-فيه مواد غذائية كتيرة بتضيف فيتامين د وتلاقوا مكتوب عليها مدعم بفيتامين د طب اعمل ايه لو لقيت الأعراض دي موجودة. _اولآ :نتوجه لدكتور روماتيزم او دكتور أطفال هيعمل لنا تحليل فيتامين د وتحليل الغدة الجاردرقية وتحليل كالسيوم. _ثانياً :الدكتور بيبدأ خطة تعويضية غالباً بتشمل حقن او نقط او أقراص. _ثالثاً :متابعة الطفل في الرياضة لأن الرياضة مش بس بتسمح له بالتعرض للشمس لكن كمان بتقوى عضلاته وبالتالي بتمنع السمنة اللي ممكن جدآ انها تقلل فيتامين د عن طريق انها بتقلل تحويل فيتامين د من الشمس الي فيتامين د نشط بداخل الجسم. _كل أم إبنها عنده عرض من الأعراض دي دايماً بنقول ان الطفل المريض هو مش مريض لوحده بيبقى هو ووالدته غالباً، تعمل تحليل فيتامين د للطفل و تتوجه لدكتور روماتيزم علشان نحط خطة تعويضية لتعويض النقص ودمتم سالمين.