المكملات الغذائية لمرضى الروماتيزم .. الكالسيوم
الالتهاب المناعي في العضلات والجلد (Polymyositis – Dermatopolymyositis)
مايو 1, 2023
الأعراض المبكرة للتيبس الفقاري وامتى اروح لدكتور الروماتيزم؟
مايو 1, 2023
هو ليه الكالسيوم مهم؟
١-٩٩٪من الكالسيوم موجود في العظام والأسنان ومهم جدآ لتقويتهم
٢-بعض العمليات الحيوية معتمدة في الأساس على الكالسيوم زي التوصيل في الأعصاب، زي افراز الهرمونات زي الأنسولين، زي انقباض العضلات زي انقباض الأوعية الدموية.
_محتاجين قد ايه كالسيوم في اليوم؟
-المؤسسة الكندية للصحة بتقول ان البالغ محتاج من ١٠٠٠ الي ١٢٠٠ ملي جرام يومياً لكن لو المريض بياخد كورتيزون لأي سبب من الأسباب ممكن يكون احتياجه من الكالسيوم من ١٢٠٠ الي ١٥٠٠ ملي جرام يومياً.
_طب اخد الكالسيوم ازاي ومنين؟
-اهم حاجة اننا ناخذه من الأكل، المكملات الغذائية كل ما كانت من مصادرها الطبيعية كل ما كان أفضل، طبعا المصدر الأساسي للكالسيوم منتجات الألبان.
_في حالة مش بتاكل منتجات ألبان ممكن نحصل عليه من السمك، البقوليات والخضروات بالذات السبانخ، والعسل الأسود
_طيب في حالة مريضة روماتيزم مش بتاكل منتجات البان خالص ومش بتحب الخضروات ولا العسل الاسود نعمل ايه؟
في الحالة دي هنستخدم مكملات غذائية تحتوي على كربونات الكالسيوم وده لأن ال ١٠٠٠ ملي جرام تقريبآ بتدي ٤٠٠ملي جرام كالسيوم على عكس الأنواع الآخري من المكملات الغذائية.
-طب ناخد قد ايه لازم تعرفوا ان في المرة الواحدة مش بنمتص اكتر من ٥٠٠ ملي جرام وبالتالي لو هتاخد اكثر من قرص لازم نقسمه على اليوم وناخده في وسط الاكل ونبعده عن الأدوية اللي ممكن تتعارض معاه زي أدوية السيولة وأدوية القلب وأدوية الغدة والمعدة.
_هل في اعراض جانبية لمكملات الكالسيوم؟
١-الإمساك وده في في الناس كبار السن
٢- لو الجرعة زادت عن ٢٠٠٠ ملي جرام ممكن تؤدي إلى مشاكل في القلب وتصلب الشرايين،ا
٣-للي عندهم مشاكل في الكلى ياخدوه بحذر ويرجعوا للدكتور قبل ما ياخدوه.
_ختاما:
حاولوا دايما تاخده الكالسيوم من مصادره الطبيعية اللي هي منتجات الألبان وطبعاً تكون منزوعة الدسم لأنه مضر لمرضى الروماتيزم،
اذا مش قادرين ناخده من مصادره الطبيعية ناخده كمكمل غذائي يعتمد في مصدره على كربونات الكالسيوم والدكتور يحدد الجرعة
ودمتم سالمين.
