الأعراض المبكرة للتيبس الفقاري وامتى اروح لدكتور الروماتيزم؟

_لو عندك عرض من الأعراض الخمسة ديه لازم تروح لدكتور روماتيزم لأن دي ممكن تبقى من الأعراض المبكرة لألم الظهر الالتهابي وده يفرق كتير عن الألم الميكانيكي اللي بيكون نتيجة خبطة او وقعة او نتيجة انزلاق غضروفي او نتيجة مزق في عضلات الظهر وبالتالي الاكتشاف المبكر لهذا المرض ممكن جدآ الدكتور يعرفه بأشعة بسيطة بنعملها رنين مغناطيسي بطريقة معينة على المفصل الحرقفي العجزي وشوية تحاليل وبالتالي نشخص بدري هذا المرض ونبدأ العلاج بدري. _فائدة التشخيص المبكر :- ١-نقلل معاناة المريض ٢-نوفر علاجات كتير أوي وفلوس المريض هيصرفها في غير محلها. ٣-إن علاج هذه الأمراض موجود على نفقة الدولة في حالات كتير جداً. ٤-هنمنع تيبس العمود الفقاري ٥-هنمنع هذا المرض انه ينتشر لأماكن تانية بالذات الالتهاب القزحي للعين او إنه ينتشر للجلد او القولون في بعض الحالات _غير العلاج الدوائي بيكون مهم ان المريض يبتدي سلسلة تمارين رياضية وعلاج طبيعي علشان ده هيحافظ على مرونة العمود الفقاري عنده. _بإختصار: بما ان المرض ده بيتاخر تشخيصه حتى في بلاد العالم المتقدمة حتى ٧سنوات معرفة المريض بالاعراض المبكرة وانه يروح لدكتور روماتيزم هيساعد للتشخيص المبكر وبالتالي العلاج المبكر وبالتالي تدوموا بصحة وعافية ودمتم سالمين.