الروماتويد السلبي
10 أعراض الروماتويد
أبريل 20, 2022
الروماتويد وارادة الشفاء
أغسطس 11, 2022
يعني ايه روماتويد سلبي؟ ليه الروماتويد سلبي وليه قولتوا عليه سلبي ؟ وهل السلبي مختلف عن الإيجابي ؟ وهل السلبي معناه أن المرض مش موجود
يعني ايه روماتيد سلبي: يعني المريض جالنا وكشفنا عليه ولقينا مفاصل ايديه ملتهبين اكتر من ٤ مفاصل او ١٠ ومفاصل كبيرة كمان فيها التهاب وعدا عليه ٦ اسابيع جينا نعمل التحاليل لقينا تحاليل الروماتيد وتحاليل ccb سلبي، يكون المريض لف على اكتر من دكتور ممكن تكون سرعة الترسيب عالية وعنده شوية انيميا والدكتور يقوله انت معندكش روماتيد ده مش طالع في التحاليل لغاية مايقع في ايد حد يبعته لدكتور روماتيزم علضات يتشخص ان عنده روماتيد سلبي.
_الدراسات بتقول ان ٣٠ إلى ٥٠٪من مرضى الروماتيد يبقا عندهم التحاليل سلبية وعلشان كدة المؤسسة الأمريكية للروماتيزم بتقول إن قواعد التشخيص معتمدة في الأساس على الكشف. مشكلتنا كاطباء روماتيزم مع الروماتيد السلبي إنه غالباً بيتشخص متأخر وبالتالي بتضيع الفرصة الذهبية اللي بنسميها نافذة الفرصة في ثلاثة إلى ستة أشهر إننا نبتدي العلاج بدري علشان كدة لو الأعراض موجودة لازم تروح لدكتور روماتيزم حتى قبل ما تعملوا التحاليل.
_الدراسات بتقول ان الروماتيد الإيجابي أقوى وأكثر تأثير على المفاصل، بيعمل تأكل سريع وأكثر كمان انه يأثر على الأعضاء الداخلية زي الرئتين والقلب وبالتالي نقدر نعتبر الروماتيد السلبي نوع اخف من الروماتيد الإيجابي، لكن هل ده معناه ان الروماتيد السلبي نشاطه دايماً هيبقا اقل من الروماتيد الإيجابي في الزيارات؟ لا لأن لو مريض روماتيد سلبي مش بياخد الأدوية بانتظام ممكن المرض يفضل نشط عنده وبالتالي يفقد القيمة النسبية الموجودة عنده عن الروماتيد الإيجابي.
هل بيختلف الروماتيزم السلبي في العلاج؟
لا في الحقيقة علاج الاثنين زي بعض ونفس الاستراتيجيات علاج مبكر، تشخيص مبكر، ادوية منظمة للمناعة بجرعات عالية منضبطة علشان نقلل من نشاط المرض في أسرع وقت وبنتابع كل ٣ الي ٦ شهور وبنستخدم نفس الأدوية في الروماتيد الإيجابي والسلبي.
في نسبة من مرضى الروماتيد السلبي مع الوقت يبدأ المرض يظهر حاجة ثانية يبدأ يظهر صدفية وتقرحات في القاولون ونسبة بتفضل زي ما هي روماتيد سلبي.
هل انا محتاج اعيد تحاليل الروماتيد وccb تاني؟
الحقيقة الدراسات بتقول اننا مش محتاجين ده لان بيتغيروا في نسبة اقل من ١٠٪فقط وبالتالي مش بياثر خالص على الخطة العلاجية ولا على نشاط المرض، اللي بيشخص الروماتيد دكتور الروماتيزم والروماتيد السلبي اخف من الروماتيد الإيجابي إنما لازم المريض يلتزم بالعلاج وبإذن الله الاتنين بيتحسنوا لو انتظموا على العلاج ودمتم سالمين.
