الروماتويد وارادة الشفاء
أغسطس 11, 2022الكالسيوم مكمل غذائي لمرضى الروماتيزم
أغسطس 11, 2022
مرض نادر اسمه التهاب مناعي في العضلات والجلد جت لي اسئلة كتير عليه في الصفحة (Polymyositis - Dermatopolymyositis) .
بيجي لمين هذا المرض بيجي للنساء اكثر من الرجال نسبة من ١:٢ بيجي اكثر لأصحاب البشرة السمراء عن البشرة البيضاء من ٤:٣ مرات والكبار من ٤٠ إلى ٦٠ سنة والأطفال من ٥ إلى ١٥ سنة.
أعراض المرض: فجأة المريض عنده ألم وضعف في العضلات بالذات عضلات الفخدين والكتفين، فجأة المريض قاعد مش قادر يقوم علشان عضلات الجزع ضعيفة، فجأة المريض مش قادر يطلع السلم ومعاه ألم شديد ومفيش مانع يكون في ارتفاع في درجة الحرارة ويكون في بعض التغيرات في الدورة الدموية الطرفية بعد كدة ممكن يبقا في طفح جلدي مشهور اوي على المفاصل وفي المنطقة المتعرضة للشمس او في الظهر وحول العين.
راح المريض للدكتور بيعملوا التحاليل لقى فجأة سرعة الترسيب والcrb الاتنين عالين جدآ وكمان انزيمات الكبد عالية فجأة بدأ يدور الدكتور ان فيه التهاب وبائي اي كان نوعه، في الاخر يجيلنا المريض وهو مبيتحركش تقريباً اول ما يقعد نشك في هذا المرض لو لقينا الطفح الجلدي او لو العضلات ضعيفة نطلب شوية تحاليل نلاقي انزيمات العضلات عالية جدآ وانزيمات الكبد عالية ونلاقي أجسام مضادة إسمها( Ana-go 1 عالية نبعته يعمل رسم عصب يطلعلنا بنتيجة معينة وممكن لو شاكين في التشخيص ناخد عينة عن طريق رنين مغناطيسي بنعمله على العضلات
راح المريض للدكتور بيعملوا التحاليل لقى فجأة سرعة الترسيب والcrb الاتنين عالين جدآ وكمان انزيمات الكبد عالية فجأة بدأ يدور الدكتور ان فيه التهاب وبائي اي كان نوعه، في الاخر يجيلنا المريض وهو مبيتحركش تقريباً اول ما يقعد نشك في هذا المرض لو لقينا الطفح الجلدي او لو العضلات ضعيفة نطلب شوية تحاليل نلاقي انزيمات العضلات عالية جدآ وانزيمات الكبد عالية ونلاقي أجسام مضادة إسمها( Ana-go 1 عالية نبعته يعمل رسم عصب يطلعلنا بنتيجة معينة وممكن لو شاكين في التشخيص ناخد عينة عن طريق رنين مغناطيسي بنعمله على العضلات
بنعالجه ازاي :
جالنا المريض تعبان اوي ولقينا الانزيمات عالية وصعوبة في البلع في الحالة دي بندي كورتيزون بيبقا عن طريق الوريد وممكن نعمله فصل بلازما، ممكن نديله الأجسام المضادة اللي بنسميها Ivig وبعدين نبدأ ننظم الأدوية المثبطة للمناعة
حاجة مهمة جداً في المرض ده لأن المرض ده ممكن يحصل لوحده وممكن يبقا جزء من مرض تاني زي مرض مناعي مختلط زي انه ممكن يجي مع الذئبة الحمراء زي انه ممكن يجي مع تصلب الجلد المناعي وبالتالي مهم جداً دكتور الروماتيزم هو اللي يعالجه
في حاجات شبهه لازم الدكتور يستبعدها؟
طبعاً :نقص شديد في فيتامين د او الحاجات الوراثية اللي بتؤدي إلى ضعف العضلات.
في مضاعفات ممكن تحصل للمرضى دول؟
طبعاً :للأسف نسبة تليف الرئة مش قليلة ونسبة مشاكل الأوعية الدموية بالذات في الأطفال في منطقة البطن ممكن تؤدي إلى خرم في الأمعاء.
- ممكن القلب يتأثر
- ممكن الدورة الدموية الطرفية تتاثر
- ممكن فرص الأورام تزيد
عادة العلاج بيمشي ازاي؟
بعد ما بندخل مثبط المناعة بنبدأ نقلل الكورتيزون، غالباً المريض بيستجيب في خلال من سنة إلى سنتين علشان كدة المرضى ميستعجلوش في العلاج، بعد كدة بيقعدوا فترات طويلة المرض هادي ممكن تصل إلى ٥ سنوات، غالبية المرضى اليومين دول بنقدر نحسنهم بما اننا عندنا أدوية منظمة للمناعة كتير دلوقتي، عندنا كمان أدوية بيولوجية بنستخدمها في الحالات المستعصية بتجيب نتيجة كويسة
اللي عنده الأعراض ديه يتوجه لدكتور روماتيزم علشان يشخص المرض بدري ويبتدي العلاج الفوري وبإذن الله حالات كتير بتتحسن ودمتم سالمين.
