الالتهاب المناعي في العضلات والجلد (Polymyositis – Dermatopolymyositis)

أعراضه إيه؟ فجأة المريض عنده ألم وضعف في العضلات بالذات عضلات الفخدين والكتفين، فجأة المريض قاعد مش قادر يقوم علشان عضلات الجذع ضعيفة. فجأة المريض مش قادر يستخدم اكتافه، فجأة المريض مش قادر يطلع السلم ومعاها ألم شديد ومفيش مانع انه يكون في ارتفاع في درجة الحرارة ويكون في بعض التغيرات في الدورة الدموية الطرفية وبعد كدة ممكن ي يحصل طفح جلدي مشهور اوي على المفاصل وعلى المنطقة المتعرضة للشمس او في الظهر َوحوالين العيون. راح المريض للدكتور يعمله تحاليل لقى سرعة الترسيب وCRP عاليين ولقى انزيمات الكبد عالية، فجأة بدأ يدور الدكتور ان في التهاب كبد وبائي ايا كان نوعه والسكة غير كدة خالص، في الاخر يجي لنا المريض وهو مش قادر يتحرك متسند اول مايقعد نشك في هذا المرض لو لقينا الطفح الجلدي او العضلات ضعيفة نطلب شوية تحاليل نلاقي انزيمات العضلات عالية جدآ وانزيمات الكبد عالية نبعته يعمل رسم عصب يطلع لنا بنتيجة معينة وممكن لو شاكين في التشخيص ناخد عينة عن طريق الرنين المغناطيسي بنعمله على العضلات ونتأكد من تشخيص هذا المرض