ألم الظهر … الاشارات الحمراء التي تستدعي سرعة التوجه للدكتور.

بما ان ألم الظهر من أكثر الأعراض شيوعا في العالم وبما إن ألم الظهر ده بيحصل ل 3/4 سكان الأرض في وقت ما في حياتهم النهارده هنتكلم على العلامات الخطرة اللي تخلي المريض يروح بسرعه لدكتور العمود الفقري او الروماتيزم او دكتور المخ والاعصاب _انهاردة هنتكلم عن الإشارات الحمراء: ١-زيادة الوجع في الليل والمريض ميعرفش ينام ٢-الوجع بيكون مصحوب بعرق ليلى وارتفاع في درجة الحرارة او فقدان في الشهية. ٣-ان وجع الظهر يكون مصحوب بعدم التحكم في البول والبراز ٤-ان وجع الظهر يكون مصحوب بسقوط في القدم ٥-ان ألم الظهر كان قبله خبطة شديدة ٦-ألم الظهر اللي بيزيد بالليل ده ممكن يكون نتيجة انتشار أورام في العظم او درن في العظم او تيبس في الفقرات.