اعمل ايه في الشمس يا دكتور وانا عندي ذئبة حمرا
مايو 1, 2023ألم الظهر … الاشارات الحمراء التي تستدعي سرعة التوجه للدكتور.
مايو 1, 2023مرض العصر ... الإكتئاب
الإكتئاب والروماتويد اخوات ... مرضى الروماتويد اكثر عرضه للإكتئاب من غيرهم تقريباً مرتين لأربع اضعاف وكمان 40% من مرضى الروماتويد بيجلهم اكتئاب .. وكمان الاكتئاب ممكن يكون عامل خطورة لظهور الروماتويد ...
النهارده هنتكلم عن العلاقة الطردية بين الروماتويد والاكتئاب ...
_ليه الاكتئاب خطير؟
١-لأنه ممكن ينشط المرض
٢-ممكن يؤدي للإنتحار
٣-الدراسات بتقول ان المرضى اللي عندهم اكتئاب هما اكتر مرضى مش بيلتزموا بالعلاج.
٤-معروف إن الاكتئاب بيؤدي إلى مشاكل أسرية اكثر
٥-يؤدي إلى ترك العمل والبطالة
٦-يؤدي إلى مشاكل في القلب
_ليه الاكتئاب بيمثل مشكلة لدكتور الروماتيزم؟
١-دكاترة كتير من دكاترة الروماتيزم بيعالجوا الروماتيد من غير ما يهتموا بالحالة المزاجية والشعورية للمريض.
٢-المريض نفسه وأسرته بيحسوا بوصمة عار لو قالوا ان مريضهم عنده مشكلة نفسية.
_ليه مرضى الروماتيد اكثر عرضة للاكتئاب من غيرهم؟
في حاجات مباشرة ليها علاقة بالمرض، ان المواد اصلآ اللي بتسبب الروماتيد والالتهاب ممكن تؤثر تأثير مباشر على المخ والأعصاب الطرفية وبالتالي تؤدي إلى الإكتئاب
_تأثير غير مباشر:ان ممكن يكون في تدخين او سمنة نتيجة الحالة المزاجية السيئة.
_وفي اسباب في المنتصف:الحالة الإجتماعية يعني مثلا لقوا ان الاكتئاب اكثر عرضة في النساء اللي سنهم صغير.
_ايه الحل؟ الحل ببساطة ان انا اعرف اعراض الاكتئاب يعني مش بنام كويس عندي اوجاع في عضلاتي بعيدة عن المفاصل؛ حاسس اني مزاجي مش حلو، حاسس اني مش قادر اختلط بالناس، دايماً عندي احساس بالذنب او عندي ميل للبكاء، الأعراض دي لحد دلوقتي متتشخص اكتئاب لكن في سؤالين وهما: هل اتغيرت حياتك في الشهر اللي فات
_هل مبقتش قادر على العمل؟
ايه العلاج؟ اول لما دكتور الروماتيزم بيشك ان المريض عنده اكتئاب بيستخدم حاجات علشان نعالج بيها الاكتئاب.
١-اننا نضبط الروماتيد لإن ضبط الروماتيد نفسه بيقلل الالتهاب وبالتالي بيقلل الإكتئاب.
١-اننا نبدأ نعرض الحالات على أخصائي نفسي
٣-الأدوية وبالمناسبة٥٠٪ من أدوية الاكتئاب لا تسبب الإدمان عكس ما الناس فاهمة وفي أدوية منها كمان يتقلل الألم الروماتيدي وفي دراسات بقول ان في ادوية منها لها تأثير علاجي على الروماتيد.
٤-الرياضة :لازم نصف ساعة مشي كل يوم
٥- لو انت فارقت حد عزيز عليك قريب أو فشلت دي اكتر اعراض الاكتئاب وأسبابه، مهم جدآ انك تبلغ الدكتور ب الأعراض دي علشان يبدأ يدور على وجود الإكتئاب من عدمه.
٦-الاسترخاء:تمرين التنفس وممكن نعمل اي وسيلة من وسائل الاسترخاء.
٧-شبكة الدعم:لازم الأسرة كمان تدعمنا ولازم يكون عندنا ثقة في أهلنا وفي الدكتور المعالج وفي الاخصائي النفسي.
_كلامي موجه لمرضى الروماتيد واسرهم لو شكيتوا في أعراض اكتئاب بلغوا دكتور الروماتيزم المعالج لان مهم جداً الاكتشاف المبكر خصوصاً ان ٩٥٪ من حالات الاكتئاب المصاحب للروماتيد بتتعالج وتشفي تمامآ ودمتم سالمين.